مقهى اوريكا جدة، المقهى جميل جدا يتميز بوجوده على الشارع ولديه جلسات داخلية وخارجية للشباب ، وأيضا جلسات خاصة للعوائل ، القهوة الموجودة مختصة وأيضا قهوة بلند خاص بالمحل ، العمالة من الجنسية البنغالية ويوجد باريستا سعودي متميز وخلوق ، لديهم مجموعة كيكات متنوعة .
الأسم: مقهى اوريكا
التصنيف:عوائل – أفراد
النوع: كافيه
الاسعار:متوسطة
الاطفال: مسموح
بارتشن:لا يوجد
الموسيقى: لا يوجد
أوقات العمل: 6AM–2AM
خرائط جوجل:للدخول الى الكافيه عبر خرائط جوجل اضغط هنا
القهوة عندهم طعممممه طلبت فلات وايت وبلاك كوفي وقهوة باردة وكلهم حلوين.. الحلى لذذذذذذييييذذذذذذذ بمعنى الكلمة صراحة نسيت اسمه بس شكله موجود بالصورة.. والاسعار طلبت ٣ قهوة وحلا وطلع الحساب ٧٥ يعني يعتبر سعره مناااسب.. الجو رااايق حقيقي وما كان فيه زحمة. تعامل الموظف كان جداً كويس ومحترم.. يا رب بردت قلوبكم بالوصف
منيو مقهى اوريكا
المكان جميل وهاديء ، القهوة مضبوطة جداً ، الأسعار مناسبة ، طاقم العمل سمير ومصطفى لطيفين ومهذبين ، جزيل شكري لهم ولصاحب الكافيه الله يبارك له في رزقه .. صار لي أسبوعين يومياً أجي هنا أتقهوى وأروق
اراء المتابعين
التقرير الأول
مكان رائع ومرتب ونظيف وهاديء ويعتبر نمبر ون في الحمدانية. السانسبيستيان تجنن أقدر أقولكم ألذ سان سبيستيان ذقتها في جده. الفلات وايت يضرب في المخ ضرب. الكورتادوا موزون ما أحكيلكم يعتبر خياري الأول في كافيهات الحمدانية خاصة وجده عامة وغير عن كذا الأسعار تجنن
التقرير الثاني
طلبت كورتادو لذيذ جدا ومزبوط…وكيكة العسل هشه ولذيذه صراحة..المكان مرتب ونظيف رايق بس ليتهم يخففون صوت الاغاني عالي شوي
التقرير الثالث
مكان رااااايق وجميل ويقدم قهوه في المخ يستخدمون محصول كفه سلفادور واسعاره جداً منطقيه مقارنة بأسعار كوفيهات أقل منه جوده في نفس المنطقه رحت له مرتين في المره الأولى طلبت لاتيه ب ١٥ ريال وفي المره الثانيه طلبت فلات وايت ب ١٤ ريال وكلها لذيذه جداً
التقرير الرابع
مكان هادئ وتعامل الموظفين راقي جداً والكيشير حسن التعامل والاسلوب طلبت قهوة عربي وحلى كيكة العسل وكيكة التمر بالشوكلاته والقهوة والحلى لذيذ وخاصة كيكة العسل
التقرير الخامس
كوفي جميل وهادئ بعد التحديث الجميل ربي يرزقهم نظافه واهتمام عالي بالمكان تعامل جدا راقي جلساتهم حلوه متنوعه ومريحه ويوجد قسم علوي للعوائل القهوة كورتادو ممتازه والفلات وايت جيده البارد الوايت موكا مع صوص الكراميل كيكة العسل وكيكة التمر لذيييذه اسعارهم معقوله يستحق تكرار الزياره وانصح بتجربته لانه يستاهل
التقرير السادس
قهوة عصرية اليوم عندهم ، الموقع بعد قاعة لميس في الحمدانية ، المكان عبارة عن دورين ، المساحة جيدة ، والديكور كذلك ، أوريكا هي بلدة في مراكش بالمغرب ، البُن عندهم أوغندي ، ولكن ماشاءالله لاحظت الستاند عندهم صواع و كفة ومجموعة بُن كولومبي وأثيوبي ووو ، حبيت العبارة بالدور الثاني تحت صورة محمد بن سلمان نجي للطلبات : كورتادو ١٠ من ١٠ كل شيء موزون الطحنة والآرت والطعم ، والحلا طلبت سيكريت أوريكا عبارة عن تشوكلت كيك محشوة بالشوكولا البيضاء ومصبوب فوقها كلاسيك شوكولا وبجانبها قطعة آيس كريم فانيلا ٩ من ١٠ الطعم ، فلات وايت ١٠ من ١٠ ، متميزين ماشاءالله بالقهاو وشكراً للباريستا وليد على تزبيطة القهوة وكذلك الأخ الفلبيني مصطفى على التعامل ، بحول الله مش آخر زيارة ، والصور والفيديوهات ب الموقع رح يتم تنزيلها
التقرير السابع
قهوة مختصه طلبت اسبانيش لاتيه وكان جيد جدا مع كيكة العسل وبعدها طلبت فلات وايت وكانت رغوته زياده جدا والكوب كبير بحجم الكوب العادي وليس مخصص للفلات وايت والكورتادو.. الاسعار مبالغ فيها شوي ياليت تتم مراجعتها. من ناحية النظافة والبشاشه والهدوء والاضاءة والخصوصية اعتبره ممتاز. يوجد جلسات خارجية.. وايضا قسم للعوائل بالدور العلوي مفتوح بالكامل ع بعض ولاحضت وجود بارتشنات غير ثابته في حالة طلب العميل للخصوصية العائليه. دورة مياه واحدة فقط بقسم العوائل. الحلى خياراته قليله. في النهاية الكوفي جيد جدا وع شارع هادئ ويعتبر اضافة للمكان
