الرياض

مطعم هوكا الرياض (الاسعار +المنيو +الموقع)

مطعم هوكا الرياض من افخم الاماكن والمطاعم الجديده في الرياض مايقل جمال عن فروعه في باقي الدول المكان جداً حالم وانيق وفخم الخدمه توب التقديم رائع الاسعار مرتفعه نسبياً بس يستحق للمكان ♥️♥️

مطاعم جديده في الرياض

  • الاسم : مطعم هوكا الرياض – HuqqA Riyadh
  • التصنيفافراد- عوائل
  • النوع: مطعم
  • الاسعار : مرتفعه
  • الاطفال :  مسموح
  • الموسيقى:  يوجد
  • مواعيد العمل: 6PM–2:30AM
  • الموقع على خرائط جوجل للوصول إلى المطعم عبر خرائط جوجل :أضغط هنا
  • الموقع الالكتروني: للدخول الى المطعم اضغط هنا

عنوان مطعم هوكا الرياض

طريق الأمير تركي بن عبدالعزيز الأول، النخيل، الرياض

رقم مطعم هوكا الرياض

‏‪+966 54 890 1292‬‏

مطاعم الرياض

افضل اطباق المطعم

المطعم يجنن الجلسه الخارجيه تجنن😍

الموظفين من وقت دخلنا الى طلعنا وهم مره مهتمين👍🏻

احس لازم الواحد يزوره عشان يستمتع بجمال المكان فيه تكييف تحت الكنبه الي جالستها فالمكان على انه خارجي ماتحسون بالحر

يميز المكان انه جامع الاناره الرايقه والزرع المويه و الموسيقى متناسبين مره ويفتحون النفس💓

تتميز اطباقهم بان حجمها كبير

⭐️طلباتي 🍽:

-🍴سلطة الكينو احس ناسين يحطون زيت الزيتون والليمون ناشفه والملح كبار واضح طعمه ٢/١٠🤦🏻‍♀️

-🍝المكرونه سباقيتي بالحمه المفروه والصوص الاحمر ولاغلطه موزونه صح ١٠/١٠👌🏻

– 🍲روزيتو مع لحمه لذيذ ١٠/١٠

-🍹موهيتو فروله ١٠/٨

-قهوة عربيه وحلى مارش اسمه اتوقع حليوين مو وااو

القيمه مقابل الجوده💸 غالي حبتين مقارنه بفروعهم بدبي وباسطنبول

هل انصح فيه🗣او اكرر الزياره؟ انصح فيه لان المكان والاكل جميلين وراح اكرر الزياره باذن الله❤️

هل يوجد موسيقى 🎼؟ يوجد

 

مطعم هوكا الرياض

منيو مطعم هوكا 

 

منيو مطعم هوكا الرياض

اراء المتابعين

التقرير الأول

سلبيات المطعم : 1/ الإنتظار ساعتين ونص وصلت الساعه 4 العصر وكان اللاين طويل فكلمت الموظفه قالت تبغين هوكا او مطعم ذا ماركت قلت هوكا قالت يفتح الساعه 6 المغرب قلت مايفتح قبلها قالت لا اون تايم بالضبط 6 🙂

قلت طيب جيبو لنا كراسي انتظار قالت مافيه 💔 مافي كراسي انتظار ولافيه اي وسيله راحه يعني كان بإمكانهم وزعو علينا ارقام وقالو بعد ساعتين تعالو طبعاً جلسنا واقفين الى الساعه 6 ولا فتح المطعم قالو خمس دقايق ويفتح …. الى الساعه 6:21 دقيقه دخلونا 💔💔💔💔💔💔

طبعا لو يرجع الوقت مستحيل اكرر الزياره واوقف هالوقفه لأنه ضاع علي متعه الاستمتاع بالمطعم من تعب الوقفه اكلت وعلى طول طلعنا 2/ الاكل كله زيت ولافيه ملح وبصراحه مااعجبني

3/ الاسعار مباااااااالغ فيها مررررره ايجابيات المطعم : اجواء المطعم تعيشك عالم ثاني 🥰 ديكور المطعم الداخلي والخارجي تعامل الموظفين راقي 👍👏

التقرير الثاني

مطعم ومقهى هوكا موجود في يووك جلسه خارجه ترد الروح الديكورات ساحره جدا سلطه البورتات عاديه السيزر سلط جيده الكساديه لذيذه جدا

وكذلك الكباب طمعه لذيذ الموهيتو طعمها جيد الخدمه ممتازه مستوى النظافه ممتازه وتطبيق التباعد بشكل جيد يوجد قائمه للافطار الانتظار طويل جداً لا انصح بزيارته ايام الويك اند 🌸

التقرير الثالث

 
السلبيات: – سعر مرتفع مقابل جودة متوسطة ! -للأسف جايين عشان حلويات فيها show لنحتفل بمناسبة صغيرة لكن كلهم غير متوفرين! –
طلبنا يكتب congratulation وبجانبها اسم ووصلتنا بدون اسم كما في الصورة – كيكة التشوكلت باردة وليست طرية – واسوأ شي صار انهم ما ضبطوا المفاجأة جابوا الاكل بدون اي تفاعل وحماس وتصفيق كما تم الاتفاق عليه رجعناهم وسووها ما قصروا لكن صاحبة المفاجأة شافت كل شي 😂💔
– بالنسبة لوقت صلاة المغرب طلبت من الموظفة السعودية يقفلون الميوزيك ولم يفعلوا 💔 تجربة مخيبة ولن تتكرر ✋🏼

التقرير الرابع

مطعم فاخر ونظيف ومعروف الدور الارضي لطلبات الغداء والعشاء والدور العلوي اقرب للمقهى والافطار طلباتنا اضلاع اللحم لذيذة جدا خاصة مع البهار التركي الجانبي ١٠/١٠ بيبي برجر باللحم والفطر لذيذ جدا ١٠/١٠ واخيرا سمك سيباس ١٠/١٠

يعني كان اختيارنا موفق في المطعم سواء اكل او مكان او نظافة او خدمة واخص بالذكر مارك خدمته خمس نجوم سريع ومبتسم ومرحب بالزبائن

.. المفروض التقييم ٧ نجوم ولكن نقصت نجمة واحدة فقط للسعر تعدى ٦٠٠ ريال آمل وارجو واتمنى اعادة النظر في الاسعار اذا نقدر ندفع فيه غيرنا مايقدر نرجو مراعاة أغلبية الزبائن .. ختاما انصح فيه وبقوة .

التقرير الخامس

سيخ كباب ١٦٠ ريال .. حبة باذنجان ٦٠ ريال. انتهى طلبنا وكان عبارة نقنقة وكلفنا تقريبا ٤٣٠ ريال. مطعم غاااااااالي جداً ومبالغ بسعره. مدري كم بيكون سعر الشيشة اذا سمحو لهم اعتقد لايقل عن ٤٠٠ – ٥٠٠ ريال بالراحة. التجربة عادية وماكانت استثنائية بأي شكل من الأشكال.

 

سناب مطاعم الرياض

للاضافه السريعة: اضغط هنا

 

اصحاب المطاعم و الكافيهات و المنتجات للآعلان في موقعنااضغط هنا
+ +
X