جدة

مطعم مدردب جدة ( الاسعار + المنيو + الموقع )

مطعم مدردب جدة المكان في منطقة شبابية جنب الدانوب ، المطعم صغير وكيوت وعصري ، الديكور مرة عجبني والجرافيتي خطير والخدمة طيبة والاكل ما اتأخر علينا.

  • الاسم :مطعم مدردب جدة
  • التصنيف : عائلات – افراد
  • النوع : مطعم
  • الأسعار : متوسطة
  • الأطفال : مناسب
  • الموسيقى : لا يوجد
  • مواعيد العمل : ١:٠٠م–١:٠٠ص
  • الموقع الإلكتروني للمطعم : للدخول للموقع الإلكتروني للمطعم اضغط هنا
  • الموقع على خرائط جوجل : للوصول للمطعم عبر خرائط جوجل اضغط هنا

عنوان مطعم مدردب جدة

الأندلس، جدة

رقم مطعم مدردب جدة

966539993999+

أفضل اطباق المطعم 

– ساندويتش ستيك مفروم بالجبنة والصوص (مرة عجبتني) – مكس مدردب مكون من برجر لحم كلاسيك بالجبنة والثانية برجر كرسيي دجاج بصوص البافلو (عجبني مرررة الدجاج والكلاسيك بيسك) – البطاطس المقلي شي من الآخر حقيقي لذيذ ومقرمش وطري – أصابع الموزاريلا المقلية (عجبني – بيسك)

منيو مطعم مدردب جدة

  منيو مطعم مدردب جدة منيو مطعم مدردب جدة الجديد

تقارير المتابعين للمطعم:

التقرير الأول:

الاكل لذيذ ونظيف اكثر شي عجبني الهالبينو تشيز والوجبات كذلك عندهم لزيزة .. جريت عندهم اللحم كمية الوجبة راهية أكرر التجربة لذيدة البطاطس عندهم والصوصات والبرجر السلايدر لذيذ بس دسم شوي وصدق الاسعار مرة مناسبة كانت تجربة جيدة

التقرير الثاني:

تجربه كانت رائعه لوجبه البرقر ١٠/١٠ البطاطس اللحم من اروع الوجبات الي اكلتها الصراحه كمان السعر رائع بس عندي ملاحظه على ساندوتش الاستيك الجديد الصوص زايد بلاضافه الى استواء اللحم يعني كان بنسبه ليا ٤/١٠ اسكريم المانقو فنان لذيذ جدا ١٠/١٠

التقرير الثالث:

الديكور حلو والتعامل ممتاز من قبل الموظفين الطعم حلو برقر اللحم الزيت فيه خفيف
طلباتي كانت من تطبيق تويو : ١ برجر لحم سلايدر ١ برجر دجاج ١ سندوتش لحم + بطاطس للامانه الطعم لذيذ ومميز والاكل نظيف ومافيه فلسفه ولكن الاحجام جداً صغيره والسعر زايد بعض الشيء بالنسبه للحجم، يستاهل ٥ نجوم ولكن لو ينظرون للاسعار شوي او انهم يسوون احجام اكبر بمقابل سعر مناسب 👍🏻

التقرير الرابع:

تجربتي لمطعم مدردب اكثر من رائعه اكل لذيذ وخدمة سريعه واسعار طيبه يستاهلون اكثر من ٥ نجوم الي يبي برجر نظيف + دجاج بدون زفر وشغل مرتب وشغل ناس واقفه ع شغلها المكان دا يستاهل اعلئ من 5 نجوم لو فيه ماقصر فيهم حقيقي شي مميز ومتميز . بسيط وايضاً طعم ولذاذه جربت البرجر لحم والدجاج كلهم عالي المستوئ والصوصات ممتازه والسعر ممتاز جداً الله يرزق صاحب المكان الرزق الطيب المبارك

مطعم مدردب جدة الجديد
Rate this post
اصحاب المطاعم و الكافيهات و المنتجات للآعلان في موقعنااضغط هنا
+ +
X