الرياض

مطعم شيفز برجر الرياض ( الاسعار + المنيو + الموقع )

مطعم شيفز برجر الرياض من ناحية الديكور كان ممتاز كان يمشي مع اجواء الحوم والستيك ، من ناحية البرجر كان كلاسك ممتاز جداً ثقل لكن معه اضافات حلوه وعجبتني اعطيه ١٠/٩، من ناحية الفرايز كان عادي لاني اساساً ما احب الستيك وهم اضافي طبقة من الستيك مع الفرايز لكن الصوص المضاف مع الفرايز جدا عجبني اعطيه ١٠/٨ علشان فقط اضافة الستيك نزلت التقيم، اما من ناحية السعر غالي شوية ، هل راح اكرر التجربة ؟( ايه نعم لكن من فترة الى فترة) نقصة نجمة علشان السعر فقط .

  • الاسم : مطعم شيفز برجر الرياض
  • التصنيف : عائلات – افراد
  • النوع : مطعم
  • الأسعار : متوسطة
  • الأطفال : مناسب
  • الموسيقى : لا يوجد
  • مواعيد العمل : 12م–1:45ص
  • الموقع الإلكتروني للمطعم : للدخول للموقع الإلكتروني للمطعم اضغط هنا
  • الموقع على خرائط جوجل : للوصول للمطعم عبر خرائط جوجل اضغط هنا

عنوان مطعم شيفز برجر الرياض

طريق الملك عبدالله الفرعي، الحمراء، الرياض

أفضل اطباق المطعم 

١ برسكت برجر ، لذيذ جدًا ويذوووبب بالفم ويستاهل طعمه ولا يجي ثقيل عالمعدة وواضح مطبوخ زين والله براڤو عليكم اول مرة اذوق لحم لذيذ وذايب كذا ✨🤍🤍

١ سويس برجر ، لذيذ ويشبع وزيادة أخوي ما قدر يخلصه 😂

٢ بطاطس مقلية، البطاطس طبعًا ألذ شي صح ناقصها شووي ملح بس رهيييبة ومقرمشة ونحيفة ومليانة بهارات 👍🏻

منيو مطعم شيفز برجر الرياض

منيو مطعم شيفز برجر الرياض منيو مطعم شيفز برجر الرياض بالاسعار منيو مطعم شيفز برجر الرياض الجديد  

تقارير المتابعين للمطعم:

التقرير الأول:

بشكل عام تجربة جميلة و راح أكررها إن شاءالله، والأسعار متوسطة إلى مرتفعة ولكن مقارنةً بجودة اللحم تستاهل ✨ تعليق صغير: يُفترض بما إن العميل راح يدفع مبلغ وقدره على الوجبة، إنه على الأقل يحصل الكاتشاب والملح على الطاولة موجودين مو يعتبرون إضافة، أتمنى الأخذ بهذه الملحوظة فأنا من عشاق الكاتشاب ويوترني إني كل شوي أطلب من النادل يزيدني حبتين ولا حبة 🦦.

التقرير الثاني:

الاسعار: متفاوته من متوسطة. الخصومات: (لا يوجد خصومات فقط عروض المناسبات). ملاحظات عامة: الكراسي صلبة وغير مريحة ______ يوجد منيو متنوع من البرجر والاظلاع وقطع البريسكت.. ليس كل مافي منيو موقع المطعم في السوشل ميديا متوفر بفرع الرياض .. جربت من عندهم اكثر من برجر وللامانه احجامها كبيره ما اقدر اخلصها .. وصار طلبي عندهم بيسك بوكس ٦٠ريال ٢ برجر مع بطاطس لذيذ ويكفي شخصين مع ١٠ ريال زيادة ل ٢ مشروب غازي. وبطاطس البريسكت لذيذ سعره معقول ٣٠ ريال

التقرير الثالث:

شيفز في ديم بلازا على طريق الملك عبدالله عندهم برجر الواقيو. الذ برجر ممكن تذوقه في حياتك. كأنه زبده من الطراوه.ديكورات المكان خشبيه والجلسات مناسبه للشباب. مكان الفرن في وسط المطعم متعه انك تتفرج عليهم وهم يجهزون الطلبات. الاسعار مرتفعه نوعا ما قيمة البرجر فقط ٥٠ ريال

التقرير الرابع:

شيفز مطعم مختص لبيع اللحوم ولا يوجد لديهم دجاج للاسف، وله عدت فروع في الرياض. الفرع هذا يقع في ديم بلازا على طريق الملك عبدالله. ديكورات المحل مرتبة بستايل خشبي، مكان الفرن في وسط المطعم. الايجابيات: ١- الفرع حجمه متوسط ويتسع لعدد مناسب لحجمه ٢-اللحوم عندهم لذيذه بشكل ماتتصورونه خاصةً البرغر(يعتمد الطعم على طلبك) ٣-النظافة شي اكيد لمطعم بهذه الشهرة و تعتبر النظافه عندهم ممتازه ٤-البطاطس عندهم طلبت شيفز فرايز لايفوتكم طعمه رهيب السلبيات: ١- المقاعد غير مريحه ابداً بسبب انها من الخشب ٢-السعر مرتفع اكثر بقليل من منافسينهم(صورت الفاتور بالأسفل ) ٣-كمية الدهن و الزيوت في الاكل مبالغ فيها (يفضل انك تاكل من عندهم ونت مررره جوعان) ٤-طبقة الجبنة الي جت داخل البرغر كبيره بشكل تخليك تنغث منه (لو يقللون حجمها يكون افضل) و بالنهاية مطعم مثل شيفز يستحق انك تجربه ولو مره
Rate this post
اصحاب المطاعم و الكافيهات و المنتجات للآعلان في موقعنااضغط هنا
+ +
X