مطعم شبرياني في الرياض من افخم وارقى المطاعم بالرياض الخدمه رائعه وسريعه الجلسات فخمه وهادئه الإستقبال مميز الحجوزات من أروع ما يكون بتميز الفتاه بالرد بلباقه جميله الاسعار مبالغ فيها 🔥🔥
طريق الأمير تركي بن عبدالعزيز الأول، North، الرياض
+966 11 277 6700
مطعم راقي و جودة الطبخ 👍🏻 جداً لذيذ .. ولكن الاسعار عاليه .. لا تناسب بعض الناس كتبتها هنا حتى البعض يعرف عن الاسعار قبل حضوره او حجزه حتى لا يتفاجأ
المطعم جداً راقي وفخم ورومانسي مرتب ونظيف ، ( يوجد مواقف VIP👌🏻❤️ ، الإستقبال جميل والخدمة جداً مميزة ورائعة الجلسات مريحة جداً وحميمية ، الطاولة والجلسات نظيفة جداً تعجبت من نظافتها وكأنها جديدة ❤️
ادوات الطعام والمناديل ومفرش الطاولة معقمة ونظيفة ورائحتها جميلة❤️.
جودة الطعام تحسنت عن السابق بشكل ملحوظ، ( الأكل جداً لذيذ). الخدمة كان شيئ رائع تعجبت حقاً من الخدمة الممتازة عندهم (خدمة فوق الوصف) ، الصراحة دخلت مطاعم فخمة كثيرة مثل خدمة شبرياني ماشفت!!😍👍🏻
لمن امسح بالمنديل واحطه جنبي زي نسمة الهواء ألقاه متبدل بجديد!! بدون ماأحس!! لمن أفك تغليف مصاص المشروب زي نسمة الهواء ألتفت أشوفه مو موجود!! اذا استخدمت الملح والفلفل ماادري الا يد ممدوده ترجعها مكانها ( شي مو معقول❤️👌🏻😍)
لمن ينزلون الأطباق يصفونها لك ويرتبونها ويقطعون لك ويحطون في صحنك ، يغرفون السلطة ويحطون في صحنك ، يغرفون المقبلات ويحطون لك في صحنك !! لمن تخلص من طبق يشلون كل الأطباق المستخدمة والشوك والسكاكين ويرجعون يحطون لك جديد مع كل طبق تخلصه😍👌🏻
( لمن جاء الطبق الرئيسي الصراحة ..الصراحة ..قلت بيجون يأكلوني😅❤️) خدمة مو معقولة ماشفت زيها❤️
الممتاز عندهم انهم ينزلون الأطباق بالترتيب مو يكبون عليك كل الاكل ويروحون والوعد الفاتوره .. لا عندهم تدرج بالاكل المشاريب وبعدها الضيافة وكانت سلة مخبوزات متنوعة مع طبق كوسة مقلية لذيذة جداً جداً👍🏻😍
، بعدها المقبلات وبعدها البيتزا وبعدها الأطباق الرئيسية . ( كنسلت بعض الأطباق اللي طلبتها لان حجم المقبلات كان جداً كبير والبيتزا كانت تشبع ٣ أشخاص ، وبوجه تملأه البشاشة وافقو على ذلك).😍❤️
بالنسبة للأسعار تعتبر غالية ( نعم غالية) لكني لم اتفاجأ بالأسعار بسبب زياراتي السابقة لهم وعلمي المسبق بأسعار الأطباق والحلويات. يوجد دور علوي جميل بديكورات رائعة جداً. دورات المياة للنساء في الدور العلوي مع وجود مصعد مفروش بمقعد أنيق ومجمل بلوحة لطيفة❤️
دورات المياه نظيفة جداً ورائحتها جميلة، توجد عاملة في دورات المياة تعقم وتغسل كل دورة مياه مستخدمة فور خروج الاشخاص منها👍🏻
المطعم يحتاج للحجز المسبق ، مع العلم انه يتوجب عليك لبس اللباس المحترم ( عدم لبس الشورت والتي شيرت والجنز وماإلى ذلك ، عدم دخول الأطفال ). المطعم يعتبر غالي ( اطلع على اسعار الأطباق المرفقة في صور التعليق)
قبل الحجز والذهاب ، وأعلم انك لست ملزم بالذهاب لمثل هذه المطاعم في حال كانت مادياتك محدودة ، توجد الكثير من المطاعم الرائعة والجميلة جداً بأسعار معقولة جداً تناسب العائلة
. كانت ثلاث طلبات ومشروبين فقط بـ ٧٥٤ ريال . الفاتورة مرفقة . المكان انصح به وأوصي به ، كانت تجربة ممتعة في كل زيارة لي استمتع به وكأني أدخله أول مره❤️ شكراً لكم❤️
تجربتي الحمدالله اني وقفت ولا نزلت المطعم اسعاره ونظام الفئات والكاشات ….. احب مطاعم فوال الطايف وان مسكت على بيتزا اخذ بيتز هت وغيرها من شركات المختصه واذ بغيت حمص اروح مطعم مختص وافضل حمص على مستوى خبره فوق ٣٠ عام
حمص ( حمص النقاء ) على اسمه حمص نقي ونظيف جدا وسعر اقل وأكثركميه من المحلات الاخرى مع ان حمص حقه يستحق الصحن اقل شي اذ بيراعي الزباين ٢٥ ريال لاكن هو محافظ على السعر والجوده سعر الصحن لا يتعدى ١٠ ريال اظن ٨ ريال وزيت زيتون اصلي طازج
ما فيه الذ من طبخ البيت اشتري حمص من النقا واشتري لحم ومشاوي بيتك والسعر للشخص الواحد بيطلع ١٠ ريال 😅 مدري متى يقتنعون الناس ويتركون هالمطاعم اللي تعرف تسرق الاغنياء والطفارى اللي تكشخ .
والله العظيم لو اكلت باقل تكاليف وفرت الباقي للي بتدفعه للمطعم الى احياء فقيره في الرياض وبحثت عن الفقراء والمحتاجين بتثبت حاجتهم سداد ايجار
ضمان اغذيه شهريه لعائله او سداد فواتير ضروريه مثل ماء كهرباء كان تبارك مالك واذ تبارك مال بارك الله في صحتك وحياتك … تحياتي ولا يزعل احد
للاضافه السريعة: اضغط هنا
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
