مطعم روما واي بالخرج (الاسعار+ المنيو+ الموقع)

مطعم روما واي بالخرج مطعم جميل ونظيف يقدم أشهى الاكلات والسندوتشات والباستا بالنكهات الايطالية، الاسعار متوسطه ومناسبة لجميع الاشخاص، انصح الجميع بتجربته 😍

• الاسم : مطعم روما واي/ Roma Way Restaurant
• التصنيف: أفراد/ عائلات
• النوع: مطعم
• الاسعار : معقوله
• الاطفال :  مسموح
• الموسيقى لا يوجد
• الموقع على خرائط جوجل : للوصول للمطعم عبر خرائط جوجل اضغط هنا

عنوان مطعم روما واي بالخرج

9491، الخرج المملكة العربية السعودية

رقم هاتف مطعم روما واي بالخرج

‏‪+966 9200 00129‬‏

افضل اطباق المطعم

مكرونة الفوتشيني بالفلفل الحار والصوص الابيض وزيتون والدجاج والجمبري لذيذة 🖤😄

البيتزا. عجين وسميكه. ماقدرت اكلها من كثر العجين. مانصح فيه ابداً

منيو مطعم روما واي

افضل مطعم يقدم معكرونه الباستا ولكن رفعو سعرهم شوي . كان ب22 عندهم الباستا والسباغيتي لذيذه وكمان البيتزا الجبن بالطماطم لذيذه .

اراء المتابعين

التقرير الأول

تجربتي اليوم لمطعم روما ع العشاء كانت روعه بحضور الصحبه الطيبه اولا ثم لطافه وروعه المطعم ..المطعم جدا لطيف والعاملين استقبالهم راقي تعاملهم حلو جداً ..

رحنا للمطعم بعد حجز طاوله ودخلنا ع اذان العشاء قبل لايقفل ووجلسنا ع الطاولة وكان المكان نظيف وحاطين البارتشن بناء ع طلبنا وكانت الجلسه جانبيه جميله بعيده عن كل الطاولات

والزحمه ماشاءالله المطعم زحمه وطاولاته صغيره المكان ضيق شوي انا افضل يعيدون توزيع الطاولات او يوسعون المكان .. نجي لاهم شي طبعاً اللي هو الأكل طلبنا ع الساعه ٧ تقريباً

وكان طلبنا طبق فوتشيني دجاج وطبق رافيالو محشيه بجبنه بالصلصه الحمراء وطبق الكاتلوني بالجبنه والسبانخ وطبق سيزر سلاط مع صحنين بطاطس مقليه

بالاظافه الى المشروبات والعصير كنا ثلاث اشخاص وطفل .. طلبنا واثناء الانتطار طبعاً جابوا بنا المقبلات المجانيه وهي مجموعه من الرغيف الروعه الطري الطازج

مع عيدان خبز يابس وزيتون اسود واخضر مطحونه بالاظافه الى جبنه شيدر مبشوره اعجبتني ضيافتهم روووعه ولدرجه اننا كلنا الخبز خفنا نشبع هههههه ونترك الاكل ..

جانا الاكل في ظرف نص ساعه او اقل ع الطاوله كامل .. وكانت مكرونات من اروع مايكون بصراحه اروعهم الفوتشيني بعدها الكاتلوني بعدها الرافايلو والسيزر

سلط كان متقن كميه الصوص جيده مضاف بها الخبز بدون قطع الدجاج .. والاكل كله حار ولذيذ وحلو وعلى درجة عاليه من الاتقان والاستواء …

اعجبني جدا اكلهم بشكل عام ولاعليه ملاحظات بصراحه سوا الطاولات الضيقه والقريبه من بعض وصغر المكان .. وعلى فكره جابوا لنا فوط رطبه ومعطره بعطر جميل لتنظيف اليدين انا مااحبذ الحركه

لكن حبيتها من ريحتها الحلوه .. اي طلب نطلبه بصراحه يجيبونه باسرع وقت من شوك اظافيه او او كاسات او مناديل .. اخيراً الفاتوره اشوفها مناسبه بصراحه ٣٠٧ معدل ممتاز لثلاث اشخاص وطفل

التقرير الثاني

إيجابيات:
1- الاكل جدا لذيذ خاصه الفوتشيني بالدجاج مره عجبتني عندهم والرافيولي بعد عجبتني اعتبره افضل مطعم ايطالي ذقت عنده الوجبتين اللي ذكرتهم

حتى الخبز اللي يقدم قبل الاكل طعمه حلو وخطر يشبعك قبل لا يجيب لك الطبق الرئيسي 😉
2- الويترز مره خدومين وممتازين

سلبيات:
1- المطعم صغير وعدد الطاولات قليل
2- اسعاره شوي مرتفعه