اذا كنت تبحث عن افضل مطاعم دايت بالرياض فهنا جمعنا لك افضل خياراتنا التي ننصح بها زوار موقعنا الكرام، المطاعم في القائمة مجربة، واليكم اراء الزوار عنها
من أفضل مراكز الحمية أكلهم لذيذ جداً والكميات تناسب الشخص نحفت عليه كثير وماحس اني مسويه دايت او محرومه يجنن يجنن ومهما جربت غيره دايم ارجع له الطبخ عندكم يدرس 😋💗
اكلهم خفيف ومتنوع. صحيح سعره مرتفع مقارنه بباقي المطاعم. لكنه يعتبر ارخص من دايت سنتر ونكهاته افضل وهو خيار جيد للي حاب يحافظ على صحته
لان السعرات الحرارية مسجلة على العلبة. وبنفس الوقت كمية الاملاح تكون موزونة. وعندهم حلويات وسعراتها الحرارية منخفضة
للمزيد عن مطعم دايت وتشرز: اضغط هنا
مكان مميز للتغيير و اكل لذيذ مناسب للصغار جداً مع وصول الاكل للطاوله على السير المتحرك 👍😃 المطعم رهيب وتجربته جميله. الأكل، الأسعار، والخدمه ممتازه.
واسابي جميل جدا اطباقة رائعة اكثر مطعم اطلع من عنده وانا احس اني مثل الريشة اكل خفيييف على المعده بشكل مو طبيعي اطباقة لذيذة نكهاته واضحه جدا المكس الرهيب بين النكهات عجيب طبق الرز مع الدجاج المشوي رهيب وبعد تاكو الدجاج مع الهلابينو 
والارز الياباني اللحم مع العسل لذيييييييذ انصح فيه وأهم شي حركة الصحون وهي تتزحلق عند الطاولة ماهي اول مره اجيه كانت زياراتي له كثيرة والأهم من هاذا اسعاره جدا جدا مناسبة
ولأني من زباينهم كان فيه تغيير في المنيو في بعض الأصناف ولكن الاضافات والتغييرات كانت رهيبة اتمنى لهم التوفيق 
للمزيد عن مطعم وسابي: اضغط هنا
مطعم سلطات وسندوتشات للي يحبو الاكل الخفيف الديذ الاستقبال والتعامل جدا راقي الديكور حميل ورايق وقسم العائلات نفس الشي ربي يوفقهم 😍😍
اكل خفيف وصحي ولذيذ، اعجبتني العصائر الطبيعية عندهم جداً لذيذة وحجم العلب مناسب بقيمة ٧ ريال للعصير والسلطات ارشح سلطة البيتروت
و سلطة الفراولة والساندوتش ستيك لحم البلسمك من افضل الاطباق عندهم ..
التقديم و التغليف والخدمة بشكل عام متميزة من أفضل المطاعم الصحية في الرياض من ناحية جودة وسعر
للمزيد عن مطعم ركن كرست: اضغط هنا
واحدة من أفضل المطاعم الغذائية الصحية ، مقارنة مع المطاعم المماثلة الأخرى أسعارها تنافسية كذلك. ينصح به بشده 💚💜
مطعمي المفضل على الإطلاق في الرياض. لم أذهب إلى هذا المكان مطلقًا ولكني طلبت عدة مرات. أعتقد أنني جربت كل شيء في القائمة. ولم أقابل أبدًا طعام City Fresh Kitchen
الذي لم أحبه. طعام طازج وصحي ولذيذ جدا. بغض النظر عما أنت فيه ، لديهم ذلك. نكهات هندية إيطالية مكسيكية صينية وأكثر. عيوبهم الوحيدة هي أنه ليس لديهم فرع بجوار منزلي
للمزيد عن مطعم سيتي فريش كيتشن: اضغط هنا
مطعم راقي من كل شي واكل لذيذ وطاقم العمل في اي بي حبيت المكان مطعم راقي وهااادي جداً الموظفات الموجودات خلوقات وهاذا ما نحتاجه انشالله 🤍🤍💜
ديكور جميل ومطعم متميز واسعاره في متناول الجميع لا يوجد به قسم مخصص للعوائل لان المطعم لديه طاولات طعام محدودة يمكن للعوائل او الافراد استخدامها
يتواحد به مجموعة اطباق يومية جاهزة مختلفة وطريقة طبخهم للاطباق بطريقة مختلفة عن العادة يقوم الشيق بتعديل بعض الاطباق وطبخها بطريقته الخاصة مما
يعطيها ذوق خاص ويوجد ايضا منيو وعندهم فطاير مميزة منها احجام صغيرة واحجام كبيرة ويوجد حلويات ومن الممكن تجهيز طلبيات خارجية وعندهم كفتة بلحم جدا رائعة وعندهم مشاوي مميزة
واطباق عدة متنوعة من المطبخ العربي والهندي وبعض العالمي مثل السالمون …. وتعامل موظفين المطعم فوق الوصف والشيف والمسؤول عن المطعم قمة في الاخلاق اعجز عن شكره وحسن تعامله مع الزبائن واتمنى لهم التوفيق والنجاح.
ملاحظة: اصبحت زبون دائم للمحل 
للمزيد عن مطعم ذا كيتشن : اضغط هنا
بالفعل وجبات صحيه علي اعلي مستوي وتعامل اكتر من رائع ماشاءالله تبارك الله 👌😍
أكل جمع بين المذاق الرائع والخيار الصحي👌🏻 جربت مكرونة البيستو لذذذذيذة ومن الجيد أن الصوص تم تحضيره من قبلهم ولم يتم استخدام نوع جاهز👍🏻
للمزيد عن مطعم فتبلي: اضغط هنا
مطعم متميز في الأكل الصحي خيارات متعدده، واسعار مناسبه، جودة المنتج والطبخ عاليه، ماعدا السمك المشوي ” اعتقد انه فيليه مجمد ” مافيه نكهة سمك بتاتا 😅 .
اشتركت معهم لمدة شهرين وكان الاشتراك عباره عن وجبتين لمدة خمس ايام بالاسبوع قالي موظف الاشتراكات اذا كنت تبغى وجبة ( سلمون )
في يوما ما لازم تدفع ١٨ ريال زياده ايضاً قالي في حالة انك تبي تأجل وجبات يوم لازم تدق في اليوم اللي قبله واعطاني رقم خاص بالاشتراكات اللي حصل انه
طلبت مره وجبة سلمون ورفضوا بحجة انه مو في الاشتراك فوضحت لهم ان موظف الاشتراك قال تدفع زياده ١٨ وقلت اني بدفع المبلغ فرفضوا النقطه
الاخرى بخصوص التأجيل ادق عليهم قبلها بيوم ولا يردون وتضيع علي وجبات اليوم التالي بإختصار في الاشتراكات ماعندهم مصداقيه ولا تعاون ولا راح اشترك معهم مره ثانيه بالإضافة للأسعار مبالغ فيها
للمزيد عن مطعم دايت تايم: اضغط هنا
من افضل المطاعم الصحية ، وخدمة العملاء يحرجونك باخلاقهم كانت عندي اشكالية بسيطة وحلوها لي بسرعة واحرجوني بتعاملهم واخلاقهم وان شاءالله اكون عميل دائم لهم 🤩
عميل قديم عندهم من اول مافتح وكان عنده ثلاث وجبات بس وقطعت سنتين ما خذت منهم وجيت اليوم اخذت برقر دبل دجاج مع بطاطس وكولا لايت ب 33 ريال
، اقسم بالله لو يعطوني هذا الاكل مجاني ما اكله ، الله يديم النعمة بطاطس يابس وبارد جداً و خبز البرقر ناشف وبارد نجي للزبدة
طعم شريحة الدجاج زي حقت السوبرماركت الله يديم النعمة مااااااالحه وش ذا والله لقمتين وتركت الاكل
للمزيد عن مطعم لين ميلز: اضغط هنا
مكان رائع لتناول الطعام الصحي خصوصا ان المكان ضمن مبنى مستشفى المركز التخصصي الطبى ♥️♥️
اول معلومه لازم تعرفها ان دايت وورلد هو تبع مستشفى المركز الطبي التخصصي، يعني الشف الي يطبخ للمستشفى هو الي يسوي طلباتهم.
اول مااشتركت حددت تاريخ البدء واخترت المنيو لشهر والي حصل ان الاشتراك مابدأ .. اتصل عالكول سنتر مايردون ياجماعه اسبوعين اتصل محد يرد قررت
بعدها اكنسل الاشتراك يوم ردو علي .. وكلهم يحاولون يماطلون لا تلغي لا تلغي بنضبطك بنضبطك قلت لا ابي الغاء
طبعا قالو لازم تراجع ادارة المستشفى رحت مافيه مواقف وزحمه وعالم واسئلهم عن ادارة دايت وورلد
يقولون برج ٣ اروح برج ٣ يقولون برج ١ تستلم فلوسك طلع فالاخير استلام المبلغ من ادارة المستشفى الي مالها علاقه بادارة المطعم.
حلوين الى هنا؟ جيت استلم المبلغ انا مشترك ب ٢٢٠٠ قالوا مالك الا ١٩٠٠ قلت ياخووي عادي بس خلصنا
قال مانرجع كاش بس شيك هذا النظام .. قلت طيب هات الشيك قال لا بعد ٨ ايام تجي تستلمه
اسئلكم بالله هذا بزنس في عام ٢٠٢١؟ يعني لا قدرت تمشي اشتراكات الناس ونهبتهم ومشورتهم ولا عندك شئ اسمه refund .
مشروع تعيس الله لا يعيده ولا يطريك تشترك فيه لأن اي خلل بيصير ياتتنازل عن فلوسك او تدفع دبلها وقت ومشاوير وانتظار.
للمزيد عن مطعم دايت ورلد: اضغط هنا
مشالله المكان مررره جميل والموظفين قمة الاخلاق الاكل مميز جدا وصحي واهم شي انه عنده طازه في كل الاوقات . الله يرزقهم يارب 💐
الاكل ما راق لي دسم مع اني حاولت كذا مرة اغير في المنيو بس برضك .. ما في فايدة .. سببلي الحرقان + زيادة الوزن …
صحيح اني ما مارست رياضة + ايام اخربط بس مش معنى هالشي انو تكون زيادة مرة … يعني حتى انا اكلي بالعادة ما يكون بهالشكل دسامة الفطور والغداء والعشا …
سلطاتهم لذيذة ومشبعه .. صوصاتهم يعني مو مرة كنت استخدمها بالبداية وسببتلي حرقان بعد كذا صرت اذبها بالزبالة كان بودي يكون فيه خيار ينحط الصوص او لا ..
لانو اوقات تجيك ٣ صوصات باليوم كلها اذبها بالزبالة وهالشي حرام .. السلمون تبعهم مو فريش وكأنه علك .. وانا احضره بالفرن افضل من كذا بمراحل متبل ومنكه
وما هو علك .. حتى ما كنت اقدر ابلعه ولا استسيغه .. فيه نظافة وترتيب بالوجبات + كل كرتون تجي فيه وجبات اليوم كلها مع فطور اليوم التالي+ ادوات الاكل
مع مناديل معقمة ومناديل .. حبيت هالشي .. الاوراق الي نزلتها حقت الوجبات يكون شكلها كذا مع وجود اسم المريض + الاخصائية + الوجبات و وقت تناولها + طريقة
تسخينها ..ولقيت عندهم بروشور انهم يعملون ديتوكس بس ما جربته .. وكمان اتعبوني في محاولة التواصل معهم ما يردوا اضطريت اني اضرب مشوار للعيادة عشان فقط
اغير الوجبات وكمان اخر سلبية ما عندهم مواقف يعني الي تسوق بنفسها تضطر انها تضرب مشوار توقف خلف المبنى وتجي على رجولها .. فقط اشتركت معهم شهر اجرب خدماتهم وما عجبتني .. وشكراً
للمزيد عن مطعم لايت دايت: اضغط هنا
