كافيه وريق المدينة المنورة المكان رائع رايق وجميل متخصص بالشاي دانش التوت من المخبوزات لزيز والشاي حلو واسعارهم مناسبة
طريق قباء، شوران، المدينة المنورة
ماشاءالله تبارك الله المكان راايق ، طلبنا كان آيس تي خوخ وأعطيه 10/4 نكهته خفيفة و الثلج كثير والشاي خفيف ، آيس تي باشن فروت اعطيه 10/9 النكهة واضحة والثلج موزون بس أتمنى الشاي يكون أثقل كمان
ودانيش توت أعطيه 10/10
بالنسبة للخدمة 10/10 بالأخص الموظف أحمد محترم جدًا .
رح أكرر الزيارة طبعًا عشان المكان والخدمة و ح أجرب المرة الجاية الأصناف الثانية وبالتوفيق لوريق
وريق من الأماكن اللي ترجعلها مره ثانيه.. خدمة متميزه وتعامل راقي من جميع الموظفين بدون استثناء.. جربنا عندهم شاهي مثلج بالخوخ ، شاهي سيلاني ،دنش أجبان و سكونز شكولاته وكل اللي جربناه لذيذ جداا ..
المكان هاديء جداً .. الخدمة بطيئة نوعاً ما .. جربت ايس تي خوخ جميل لكن نكهة الخوخ خفيفة مره الدانيش كل الانواع لذيذة .. السكونز رائع ..
المكان جميل وبشكل عام الفايبز في بوليفارد قباء تحفة، عجبني انه اغلبه عوائل وحتى كان في شباب موجودين، لكن على غير العادة كان رايق وهادئ
المكان رايق وجميل سواء الجلسات الخارجية فوق أو تحت،
طلبت الدانش وتقييمي له ٤/١٠
أولًا: انا عندي مشكلة مع أي أحد يحط الزينة ك وصف للطبق، مكتوب انه دانش جبنة وتوت، وفي الحقيقة هو دانش جبنة والتوت مجرد زينة، يعني لمن اقرأ الوصف أنا كشخص عادي اتوقع انه فيه جبنة وصوص توت أو التوت مخلوط مع الجبن.. أيًا كان، المهم إنه التوت داخل في المكونات وليس زينة
ثانيًا: الدانش كان جدًا ناشف لدرجة يتفتفت وماسك طبقة من تحت، كأنه بايت + مخبوز بشكل أوفر
ما ادري إذا وريق مخبوزاتهم يوميًا فريش أو لا، لكن اجزم الدانش اللي اكلته ماهو فرش
الموظفين محترمين وودودين مع الزباين والاكل لذيذ وطلبنا انا وصديقاتي شاي ومخبوزات والويتر الطويل اتوقع انه هو اللي كان برا كان لططيفف!!، المهم ان مو اخر مرة اجيه كانت تجربة حلوة وان شاء الله تنعاد
