كافيه تشنك الرياض من افضل المحلات للكيك وللاهداء خدمة الكتابة على الكيك تفك ازمات! خدمة سريعة وموظفين لطيفين ومرحبين، والمكان نظيف والكيك متوفر بأنواعه على مدار اليوم 👍🏻👍🏻
ابي المنصور، المحمدية، الرياض
+966 9200 01382
جربت كيكة الكراميل بالفشار (حجم صغير) مقابل 45 ريال : نصحني الرجل بتذوقها افضل حلى مشهورة .. كان أقل من المعتاد .. لا شيء مميز .. كمان لقد طلبت ميني بان كيك .. كانت مقبولة ولكنها غالية جدا للغاية بالنسبة للبانكيك وتجي سادة عجينة فقط ..
يقدمون الصوصات والإضافات منفصلة عن البانكيك .. الفستق سعره 9 ريال .. نوتيلا 5 ريال .. مافي طعم خاص في البانكيك .. إلا أن صوص الفستق كان نكهة مختلفة ولطيفة أيضًا .. بالنسبة لي ما راح ارجع مره ثانيه
.. أعتقد أن الأمر يتعلق بالمظاهر أكثر من الطعم التعبئة والتغليف جيدة جدا ولطيفة ، لذلك كانوا يستحقون نجمة واحدة ⭐️ لذلك
مساء الخير .. تقييمي لهم من ناحية القهوة جداً عادية . ومن ناحية المكان ما افضل موقعهم فيه افضل مثلا موقعهم في عود سكوير وفي الرياض بارك اكبر واشرح. من ناحية الحلا طعمه عادي جداً وبالنسب لسعره كثير عليه. لكن كيكاتهم لذيييذ فقط راح اخذ منهم الكيكات مره لذيذه بذات الفانيلا واللوتس ✅ تحياتي
تجربتي في فرع الرياض بارك…. كان الترحيب جميل بالعميل …اشكر الاخ السعودي القائم في القهوه على قيامه التوضيح لي بأنواع القهوة واضافاتها …التنظيف كان بعد الجلوس ….الطلب على دفعات والقهوة وبعدها بربع ساعه واتى الحلى (عبارة عن تارت كان للأسف قاسي جداً جداً اضطريت اكسره باليد) الخدمة بطيئه + التارت ما اطلبه مره ثانيه نهائي.
رايق المكان وديكوره مريح للعين اخذنا كيكة سولتد كراميل وكانت جدا جميله وقهوه عربي كانت كويسه بس ناقصها نار تحتها تدفيها لانو بردت بسرعه واسعارهم معقوله ..
🛑🛑ملاحظة هالتعليق واقع مب نكتة🛑🛑
جينا قروب اربع اشخاص وطلبنا حلا وقهوة ب ٢٥٠+ ..
وجزاهم الله خير والله يكثر خيرهم ما قصرو معنا تشنك وعطونا شوك وسكاكين عشان ناكل فيها الحلا (مجاناً)!!! يعني لو ما عطونا هالشوك والسكاكين مجاناً كان اكلنا الحلا بيدنا..
المهم نقصت علينا الشوك فطلبناهم شوكتين اضافية قالو لنا الشوكة بخمسة😂😂😂
كنت احسب العامل يستظرف قلت ههه طيب يلا جب الشوك ، قالي لا فعلاً نبيع شوك الاكل بخمسة ريال!!
قلت ناد المدير وجا المدير وقال معليش حنا نبيع شوك الاكل بخمسة -الجماعة مصرين- قلت شف انا دافع عالحلا والقهوة ٢٥٠+ معصي ثم معصي ادفع ربع ريال على شوك خصوصاً ان ما عندهم شوك سبيشل🤣
، هي نفس الشوك اللي تقدمها ارخص المطاعم بالرياض (الشوكة السودا البلاستيكية) قلت للمدير، بيت الشاورما لو اطلب بعشرة ريال واقولهم عطوني ١٠٠ شوكة بيعطوني، عموماً بعد نقاش دام اكثر من ١٠ دقايق تفضل علينا المدير الفلبيني -مشكوراً- كثر الله خيره وامر بصرف شوكة اضافية لكل واحد منا👏🏻👏🏻🙏🏻
كلمات الشكر لا تفيكم حقكم يا تشنك..
ان شاء الله ٢٠٢١ تكون سنة مزدهره لكم وتبيعون ضعف عدد الشوك والملاعق اللي بعتوها في ٢٠٢٠🙌🏻
للاضافه السريعة: اضغط هنا
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
